Januray k’cha (30) hngüp ng’yak vai mong (Marku 4:21:25)

21 Cun kòn ah ngami am pyéin ne meikdä̀i cu dòòn ah kka ah boh, ihnák ah kka ah boh, thà vai ah lopüi ang. Lung kpèi kkhaan ah a hlǘngnák ung taih màn ah kä kya ci ang. 22 A i ah kya hleih cii ung kä mdáng vai ah ngthup ci a i phih kä om ci. A kkhaangnák ung kä ngdáng lo khai ah ngyih ci kä om ci. 23 A ngyáknák vai ah a khngà om ci no ngya hlä. 24 A pyéin ba mä cu “Nami ngyák cu mhtéi vä. Nang no na nä̀nnák on ning nä̀ä̀n ning kbä̀i lo ba khai gùi. 25 Na gah-tang thei ca a kya ung a ngkhap hngá púi hleih na gah khai. Kä gah ca kchààng ungka amät ung a k’om htá hngo lák ba péit ah kya khai.

Yum nak ci cu däm ne a thuk vai hlü ci. Kä cun ah a kya ung yum nak cu diimaih hnging ciah kya ci. Khanpughü ah keisu phih kyai, yum nak phih kyai, Khanpughü ah ghunkhaw phih kyai däm ne hlüng tai khai ci vai cu yumtu k’chang gui a kut ung khanphughü noh a na peit gui püi ah kya ci. om püi ci am pe be ne kä om pha ci ung ka lak ba vai ci ah mi ng’yak cu mi mi gui am a na peit gui pi ah Khanpughü ah keisu cu kä mi mang thei ah a kya ung a kholä ah diimaih düt khai ah kya ci. Cun cu Khanpughü no hmai a läk ah kä kya ci. k’chang van am keisu k’thui gui cu a täng täng ah a peit ah kya ci. Ng’ngai äp nak ung khänghtek ne gah püi ah keisu gui cu däm lo pi hti khai ah pyantham hnging vai hlü ci.