Ghinlu ah a hngüp täi k’taigü nak awn leng vai hlü ci

Ghinlu ah khaw hngüp täi k’taigü nak awn leng ne, yaikya buiawt awt gui a van Khanpughi am gänap ah a kya ung a cun ah yaikya buit awt gui cu mi mi gui ah yeikyai nak ah ng’thong hlat lo hnging khai kya ci. Yaikya buiawt nak gui cu Khanpughü awn mi ng’hnguh nak vai ah lam tumat ah kya ci. Mi mi gui cu k’chang a van ka vai, na u sheih gui ciah chiga gui m’hngi ne, a k’ni vai ci peit gui vai (Mt5:44) ci ah Boi ah pyein ng’yak ne nga mi ka vai a k’ni hlu ah k’taigü peit gui vai hlü ci. Cun kon ah mät ah kä hnguh kä hmat man ah k’chang gui ka vai ah phih mi k’taigü tu pe gui ko. K’taigü nak cu mi mi gui am ng’büh ciah m’hngi nak lam ung na chü kong gui ciah kya ci. Thüi hlei ne geinvai ci gui, a mät hta om ciah vai hlü ah ng’khaih ne om dam ci gui, a ghinlu no kä hlolam hleih thüi ci gui, yaica nak a hlü hlü a phäh ah thüi hlei ci gui a van ka vai ah khanpughü ah k’chü m’gen nak shang ne mi k’taigü pe gui ko. K’taigü nak cu k’chang gui ah hmakat nak ung ka no m’hngi nak ung gok vai ah lam na m’shüm gui ci. Boi Yesu no hmakat k’chang gui ka vai ah phäh ah a shi m’hloi ne k’khaw dek k’chang gui a k’phion cu mi shüm ba ne na kat nak ci gui k’phion ne mi k’tai peit gui vai phih hlü ci ci ne Papa Shangpughang Francis no pyein ci.