A k’hmo gui ah m’lung ng’ngaih om k’ih lam pyanthem vai hlü ci

Nupa gui cu hta k’hmo gui ah hnguh hmat nak gui ng’thei ng’thang nak vai ca ng’thei nak ah kyawng äp ci gui ah kya ci. Cung phih a mi htak’hmo gui ah om ih m’lung k’nga a ni vai cu k’chang hei gui düt am m’ap ne kä gah ciah kya ci. Hta k’hmo noh K’chang tumat ah m’hngi yei nak lah attachment, ni ci lah she ci m’cha ng’lang nak ah om k’ih ng’ngahtüh a ni vai cu a tung pi ah nu pa awn a täng ah om ne a mi hnguh hmat lo awn vai ng’hlüh hnging khai ah kya ci. Htak’hmo gui am maapi k’bäih ne m’thei m’thang ciah saya htama cu nu pa ah vah kya hleih a k’hmo gui noh nu pa a k’khan ah yohtei u ne a mi ng’ngaih up hleih om ne ng’vai lo hnging ci gui ah kya hkeih nu pa noh a hta k’hmo ah m’lung ng’ngaih om k’ih ni khai ah a pyantham peit cu a ng’htei ah hlü ciah kya ci. Hta k’hmo ci nak ci cu a I ah mäih ah a sheit ung phih, a nu pa a phäh ah a ng’htei ah a yei ki ciah kya ci. Hta hmo a van noh a nu pa cu a m’hngiyei nak ah hlo ah yi hngei ciah kya ci. Hta khmo gui ah a mi ng’yak hlü  cu a k’ni k’she a ni hta ah m’kho m’cha ne ni ci lam läk ne a mi ghinlu a k’ni ah a mi pyantham hnging vai cun phih nu pa ung tarvon om ciah kya ci. Hta k’hmo gui ah om k’ih pyantham nak ung nu pa ah k’chü k’ko ng’hta ng’ko cun phih a ng’htei ah a yeiki ciah kya ci. Nu pa gui cu a mi hta k’hmo gui ah om k’ih m’lung k’nga a mi pyantham yah ung  a mi ng’hta ko cu hngip hngäp ne hta k’mo noh a ngaih, a ng’yak hlü vai ah a mi pyein thei vai cun phih a ng’htei ah hlü ciah kya ci.