Bӓ ca Benedict
Bӓ ca Benedit cuh kum(1480) Italy ghung khawkho, Nosia gonu ung ng’tuiom lo tu ci. Ani cuh akhokum ( 20) ung atheihpui gui ah kӓni ah ami omkya gui hngu neh cӓcat lo neh ta Supiaku m’htung ah hteih neh om ci. Cun ung ka noh Ani cuh Yahteih tumat ah kya ci. Hngikya lam Yahteih gui ah ang’vaipi ah kya ci.
Khong’hngüph ӓt ung ayan hngu-hmat tu mang ci goi ah hngumi tumat a mong am’lung ung om khenggeng kai ah khonget noh toktapnak bi ci.A cun ung Bӓ ca Benedict cuh ng’hlin ah khan nak ng’le ghui ghui neh a mu pum shuhshan ci. M’muim’cha ah lembai gui cuh akyӓ ah lembai gui am gü ba hlak ci.
Ang’mingshe lo ca Komau Yahteih-gong ah uk khai ah chü u helih Bӓ ca Benedict noh am’lung am’yonem nak ong do ci. Ahtinling aik ah om vai gui kongmang hleih Bӓ ca Benedict cuh ami pluh kitlik vai ah k’thanak ci gui. K’chàngni cuh khânpùghì noh m’htei ca kya neh Bӓ ca Benedict noh Apa ni, ahtani la am’cu lah ta ami Sapyittui um cuh payah hleih ami pluh hmat lo ci.
Bӓ ca Benedict cuh khonget ah Toktapnak gui ak’da buiot lo neh cuh gui am’chutnӓng vai k’thanak hlu neh Kum (1530) ung supiaku nong e neh Motecasino ah Yahteih gong k’thai co ci. Taigü suhshan nak lah Bibi ci ah among goi cuh m’tawi neh bi ci.
Bӓ ca Benedict cuh akho kum ( 1548) ung shih ci.
Papa shàngpughang noh ani am Europian ngӓnm’tei ca Bӓ ca k’chàng ah shӓ ci.
