Ma Mah Maria Gei K’cüm-ah Kho kum (25) chüt Khapughü-ah Bi A bi lo tu Nak
Khanpughü-ah bi kho kum (25) güt chüt hleih bi bi lo tu ca Ma mah Maria Gei K’cüm-ah Jubilee poi-ung Msgr. John Om Se lah Fr. Timothy Ling Moung ni noh Kyüi hta Yumtu ng’bum luk chei pigo-ung April k’cha (12) k’hngüp-ung yumtu ng’bum im-ung bi ci gui.
A cun-ung Msgr. John Om Se noh Khanpughü-ah bi bi ci nak ci cuh k’pung-ah ka noh teng tu ci gui noh bä tu ci, yei tu phya ci.ci neh na mi hnguh tu lang pang-ah phih kä ng’hloi nak gui ak’da om ci nei. Ci neh m’cäw m’thei ba gui neh. Na mi mät-ah pigo-ung-ah Bawi phaya i chü om pha ci, ma mah i chü om pha ci gui cuh teng ba u ne tah ami thei tu gui vai, nami leh out gui vai ami hngün nami thawn tu tu gui vai. Bi bi püi ci gui cuh ghü lo u enh ng’vai lo ci gui. Ngami gui-ah hngün-ung ami bi hlü gui lah yumtu ng’bum-ah bü ceng nak gui cuh nang mi-ah kut-ung om ci. Kei mi lei cuh hngeng kum pi kum kami shik lo khai ci neh k’hmo hta gui-am ami k’tha ami m’cüng vai-ah ng’thu ak’ni-awn chang neh k’hluk-ah mäih-ah k’tha pe ba gui neh tah Missa gän ap nak, ng’khai ng’lang nak gui cuh yumtu ng’bum gui noh bi u hleih ak’dim ak’kyäp-ah pyi päng ci gui.
