Canossa mânggo ung ka Bä ciah Magdalen ah ghünlu a mong

Bä ciah Magdalen cu Christu kum 1774 ung Verona mânggo ung ng’büh ng’mang ciah k’kyawng khui ung ka no ng’tüi ciah kya ci. A kho kum k’hma vah a lo pha ung kya ah ng’büh ng’mang ciah a pa cu ng’dawt ne shih ciah kya ci. A nu cu a hta k’hma nong ghüt ne k’pami tumat awn dong ci goi ah kya ci. A cun ah kya hleih Magdalen cu yaica nak gui lah thüi hlei nak gui buiawt nak awn ng’vai lo ciah kya ci. A kho kum 20 be lo hleih a phei ng’et gui ung om ci gui ah duyai ciah k’hngumi hta gui ghung m’htei ne gunhtot gui khai ah len ne bi ciah kya ci. A paina a ng’kho ng’et nak gui no a cun ah a bi hlü gui kä bi ein vai ah pyein u hleih “kei cu ng’büh ng’mang k’kyawng khui ung ka no ka ng’tüi om lo ciah a kya cu duyai ci gui a hngu ah Boi Yesu ka vai bi ka bi vai cu kei am kä bi ein ä ci ne na mi pyein khai ma? Ci ne pyein ciah kya ci. A ni cu duyai nak gui kyen lo ne a m’lung k’nga a om k’ih ni ciah k’chang gui a dâ lo pi hti vai ah ng’yak hlü ciah k’chang tumat ah kya ci. A ni cu Seiyung lah a mi imu ng goi pyam ci gui gunhtot gui ciah kya ci. k’chang gui kyünhloi k’taigü ne a mi kya hnging vai ah k’bum gui ne a bi vai kä om ne duyai ci gui ah k’hngumi hta gui awn a täng ah bi bi ci gui ah kya ci. A ni ah im hmai ah htei ne ng’yoi ci gui am ei k’ok gui lah ngui awn gunhtot gui ciah kya ci. A ni cu kä mi om nak ba ah Yahteih kyawng a k’pyhüm cu k’hngumi hta gui no a mi om nak vai ah Christu kum 1808 ung k’hmong hnging ciah kya ci. A cun ung ka no Congregation of Daugthers of Chrity ciah Mamah ng’htoi ah ng’lat khai ah pyang tham ciah kya ci.