Pomposa mânggo ung ka Bä ciah Guy ah ghünlu among
Bä ciah Guy cu Christu kum 1046 ung Italy ghunkho Ravenna mânggo ung ng’tüi ciah kya ci. A nu pa gui cu a nu pa ah m’lung a yei vai ah ci ne a k’ni ah hlinghlä hleih hlui k’ni hlui ne om ciah kya ci. Kho k’hngüp ät ung Ravenna ung yum nak lam ah phäh ah poi a mi bi ah nak ah a hteh tu nak ung a ni no a hmat lo cu k’chang gui ah mâ ah a k’ni hluu hlak cu a kholä düt ah kya ci ci cu hmat lo ne a hlui hlût ne duyai k’chang gui am pe ne ta a mät no hlui k’she hlui ne om ciah kya ci. A ni cu Yahteih tumat awn k’pyha ng’tang hta tumat ah hteit ne a täng ah om ni ne, ng’shung hei ne bä ciah m’lung awn a gänap nak ah ghünlu cu leng ciah kya ci. A ni cu yum tu ng’bum ung a hlüngtai lo ne Ravenna mânggo lah Pomposa ah a ng’vai hta Saya tumat ah kya lo ci. Yahteih ah kya hlü ci gui ah k’chang a k’dâ cu a ni m’nai tu u ne Yahteih kyawng ah lut lo tu u hleih ngami ah a mi ih om nak vai gui m’däm ne bi vai ah hlü lo ciah kya hleih bi loh vai gui a van cu a hei Yahteih gui am bi hlak gui ne Yahteih ah kya tu khai gui am k’taigü nak lah ng’müi m’cha lam ung a k’tung pi ah khong mang ne lam m’shüm gui pe gui ciah kya ci. Bä ciah Guy cu a ghünlu a k’hngu lam ung Ravenna ung om ciah Taigü mâng no kä taga hleih a k’kalu ah phäh ah a m’lung thüihlei hleih yai caih kya ci.
