Bä ciah Rupert ah ghünlu a mong

Austria ghunkho Salzburg mânggo ung ka Bä ciah Rupert cu Christu kum 660 ung ng’tü ciah kya ci. A ni cu Bavaria ghunkho k’chang gui ka vai ah Khanpughi ah  mong lam gui thähla m’thei m’thang ciah van on a hmat ah kya ci. Bavaria lah Austria ung Phaya kyawng m’düih Khanpughi ah mong lam bi ciah Taigü Boi tumat ah kya ci. A van dí yop ciah Iuvavum ci ne a mi chü ah mânggo pyang tham ba ciah kya ci. A ni cu Khanpughi ah ng’thu k’ni a van no a hmat lo tu hnging vai ah k’tha na ne bi ciah kya ci. A ni no k’chang gui am Khanpughi ah mong lam a m’thein kan ah phäh ah Christian yum nak ung gok lo tu ci gui am a mi om k’ih gui a k’ni ah a hling hläi hnging vai ah phih lam m’shüm gui ciah kya ci. Salzburg mânggo, St. Peter Abbey lah Nonnberg ung phih Mamah kyawng gui m’düih ciah kya ci. Bä ciah Rupert cu Christu kum 710 March k’cha 27 ung shih ciah kya ci. A ni cu Salzburg mânggo, Roman Catholic Taigü Mâng kho lah Salt Miners ghung m’htei ciah Bä ciah k’chang tumat ah kya ci.