Mãng k’hlák-ah ami m’cha m’làng lo gùi.

 Cun kon-ah, Maria läk lo tu ci gùi-ah Judeu gùi a k’dá nawh, abi hnguh tu u nehtah Báwi zùm ci gùi.  Cun tu pang-ah phih, a m’sah nawh Pharisee gùi-ah hteit u neh Jesu-ah bi cuh, m’thein tu gùi ci gùi. Cun kon-ah, k’tài-gü ng’vái gùi lah Pharisee gùi ng’bum u neh ami piéin cuh, “A i-ah ang? Sin-ah k’chàng nawh cäi vai a k’dá bi ci.  Ani cuh sin-ah nong düit-ung, avan nawh ani zùm lo khai gùi. Roma k’chàng gùi lo u neh mi khàw, mi k’chàng, m’dí lo khai gùi.”  Cun tu pang-ah phih, a cun kum k’tài-gü ng’vái pí Cãiphas nawh, “A i phih kä nami hmat ci.  Pa-khúi púm-ah dí-ah k’dám, a k’dá-ah phäh-ah k’chàng tumat a sih ung nangmí-ah phäh-ah ni tu bà ci cuh kä nami ng’ngaih-tüh ci ang?” ci neh ngamí àm piéin ci. Sin-ah k’chü cuh, a mät-ah ng’ngaih düit-ah a piéin-ah kä kia ci. A cu kum k’tài-gü ng’vái pí-a phih kia neh cun- ah pa-khúi-a phäh-ah, Jesu a sih vai-ah a màwng lah,  Cun-ah pa-khúi bäng-ah kä kia ci. Ng’Phiüt ng’pài zop ci-ah Khãnpùghí-ah htá gùi avan k’bum gùi khai, ci hlü ah kia ci.  Cun-ah kia hleih a cu k’hngüp tün neh ngáwn vai ng’ngaih-tüh ci gùi.  Cun-ah kia hleih Jesu cuh Judeu gùi ung a ng’dáng-ah kä hteit hton tu bà neh hla-lái pèi, Ephrem pigò-ah hteit neh acu-àh, a-hlu-läk gùi awn om ci.Cun zah ung Judeu gùi-ah Pascha ng’et lo hleih a cu zah-àh kah, Judeu a k’dá cuh Pascha kä k’pha phã ung ami mät ami m’htí m’théing vai-ah Jerusalem-ah hteit ci gùi.  Ngamí nawh, Jesu cuh, sùi u neh khàw im-ah ng’düí neh ami mät goi nawh ami piéin cuh, “Pascha-ah kä lo cuh a i-ah nami ng’ngài ci ang?” K’Tài-gü ng’vái gùi lah, Pharisee läí nawh, “Ahòi a om, hmat ci nawh, na m’thein lo gùi hleih phã vai,” ci neh m’cäi gùi ci gùi.