Bä ciah Tutilo ah ghünlu a mong

Bä ciah Tutilo cu  Christu kum 850 yah ung ng’tüi ciah kya ci. Spain Pakkhui k’chang tumat ah kya ciah Bä ciah Tutilo cu k’chang a k’dâ no a hmat ah k’chang tumat ah kya ci. A ni cu Bä ciah hto k’shäm tumat ah a kya ah hlo ah ca guk ciah Saya tumat ah phih kya ci. AD 610 ung Yahteih tumat ah kya lo tu ci. A ni cu hnguh hmat nak hnguh shim nak gui ung a kya ah ghuih ne a ni ah dung kyä cu dämhlâ ciah kya ci. A müi hmai cun phih a kya ah kyom htang ne a kya ah a k’tha ng’chüih ne gai ciah kya ci. A ng’hta ng’ko a pyein hlak gui cun phih k’chang gui no a mi ng’ngaih tu hlü vai ah k’chang ah k’tha pyha hleih pyein ciah kya ci. A ni cu kut awn kyom htang khai ah pyantham gui ah ng’kho gui phih a k’ni ah bi lo thei ciah kya ci. Bä ciah Tutilo Yahteih kyawng ung om ciah ca ng’thei nak ah kyawng ung ng’äi ng’om nak ung tum gui ah ng’kho gui cu hmat tu hlü ci gui am a k’ni ah m’thei m’thang tu gui ciah kya ci.

 Shangpughang Charles no Tutilo cu a kya ah m’nai tu ne shin ah tum k’khon nak gui lah a päng van hngu hmat ciah k’chang Yahteih kyawng ung shoh ng’khai ne a om cu k’chü m’gein vai ah kya ci ci-ne ng’ngai ci. Tutilo cu k’chang gui ah li ah a ming thang hleih kä  ng’dang sha hlü ne ng’thup hti ciah kya ci. A ni no a pyantham gui lah a pyan ah ng’äi gui cu a pi hta bäng va tuhchü om lo ba ciah kya ci. A nni cu Christu kum 915 ung shi ciah kya ci.