Saragossa mânggo ung ka Bä ciah Braulio ah ghünlu a mong

Bä ciah Braulio cu Christu kum 585 ung Spain ghunkho ah ng’tüi ciah kya ci. A ni cu k’hto k’shäm tumat ah kya ne ta ca guk ciah Saya tumat ah phih kya ci. A ni cu AD 610 ung Yahteih tumat ah kya lo ne Christu kum 631 ung a ng’tüi nak ah mânggo ah kya ciah Saragossa ung Taigü mâng tumat ah kya lo ci. A ni cu a k’thum vei nak, a k’phli vei nak, a k’hma vei nak a mi bi ah Toledo Council a mi ng’bum nak ung cum boi ne bi tu ciah kya ci. A ni ah ghünlu pum cu k’taigü nak awn be khai ah k’tha na ne a kya ah a k’ni hlui ei ne kya gui cu kyünhloi ne om ciah kya ci. A ghünlu ung a lang hta düt ah om ne a ni ung om ciah a khoh tang gui awn duyai k’chang gui ah k’khan ah ng’khai ne gunghtot gui ciah Tagü Mâng tumat ah a ng’ming thang ciah kya ci. Taigü Mâng Braulio cu a hto ng’nong gui phih a k’ni ah m’htei ciah hto k’shäm tumat ah phih kya ci. Bä ciah Braulio cu ng’vai lo ne a mik m’cha lo hleih a ng’thei ng’thang tu hlü gui phih ni hleih kä ci lo tub a hnging ciah kya ci. A ni ah ghünlu cu ni hleih kä om lo ba ci ci ne hmat lo ne ta k’poih ba ciah a ghünlu ung Salan ng’äi gui m’cu ne om ciah kya ci.