Papa Shangpughang ah ng’thu

Boi Yesu Christu ung ka noh ng’tüi lo ciah yumtu ng’bum no Khanpughi ah ng’thu k’ni a thähla vai. Yumtu ng’bum cu Hierarchy ah kya ciah kya hleih k’khân ah ka no k’kâ ah kyom ciah a ng’hling hläi ne a k’sho k’shon ah hteit ciah a ng’bum ah kya ci. Boi Yesu ah a k’htük pi k’bäih ah a hluläk ng’shä cu Boi Yesu Christu ah Paschal Mistery awn a mi ghü gui ah a ng’bum ah kya ne Boi Yesu ung ka no kho m’dek ka vai k’pyhon nak lam a mi m’düih ah kya ci. Yumtu ng’bum ung Council gui pyantham cu yumtu ng’bum ah a k’kyong ah bi hnging khai gui ng’bum gui ah kä kya ne Boi Yesu no a hluläk ng’shä gui am a peit gui ah bi loh vai ah mission cu hngun a ng’päng ah chüt hleih a ng’täih ah a mi m’htei vai ci-ah bü ceng nak ah bä ciah a ng’bum ah kya ci.

Catholic yumtu ng’bum ung om ciah k’chang gui a van ät ne bi loh nak lah htitheing nak bi khai ah a ng’bum a ng’shon shon om ci. Hluläk ng’shä gui cu Boi Yesu ah k’pyhon nak lam m’thei m’thang nak a k’ni ah a mi m’htei vai ah a chü gui ge ah kya hleih Boi Yesu a kyum lo ba ah chüt hleih a mi hlüngtai nak cu ngami gui do gui khai ung ka no yumtung’bum cu htitheing hlak ne lam m’shüm gui ne ngmi ah bi loh gui cu m’thong khai gui ah kya ci. M’shi nak cu tu pyi ciah k’chang a van Boi Yesu ah Taigü ah kya nak ung cumboi tu ci gui ah kyat u lang pang hleih phih, Khanpughi ah mong lam bi khai gui ah a chü gui ah Taigü gui cu htitheing ciah m’yum aa gah ci gui ah kya ci. Taigü Mâng, Taigü Boi gui lah Tahmah Saya gui cu Khanpughi ah k’chang gui nga tu pi ciah lam awn gunghtot gui ne bi bi khai gui ah kya ci cu be Papa Shangpughang Leo no pyein ciah kya ci.

Source: Vatican News