Sirmium Mânggo ung ka Bä ciah Irenaeus ah ghünlu a mong

Bä ciah Irenaeus cu Eroupe hlíp lam ah ka Sirmium mânggo ung ka Serbia ng’bum ung om ciah ciah ci. A cun ah Sirmium mânggo ung ka Serbia ng’bum cu tuhchü Mitrovica ci ne a mi chü ah Belgrade mânggo ah htum lam ung mäng 40 hlak ci ung om ciah kya ci. A ni cu a k’hmo k’chang ah kya ne a ni ah ghünlu ah a mong gui a k’ni ah ng’hling hläi hleih guk then hnging ciah k’chang gui no a mi hmat ah kya ci. Shanpughang Deocletian no yumtu ng’bum a kya ah a kalu nak yah ah kya hleih a ni cu yum nak lam ung thong khui ah a mi kyum ah kya ci. A nip ha ne kalu na ci gui no Irenaeus am kho ng’yo a m’shumchuk vai ah ling na ci gui.

A cun ah a mi ling nak cu Irenaeus no dam ne kho ng’yo kä m’shumchuk khai ah pyein hleih k’chang gui taih ne a mi ngon nak ah k’kyâng ung taih ne a mi kalu nak ah kya ci. A k’kyong khui k’om gui no a kya ah kyap u ne Irenaeus ah hngun a mi k’pyon tu vai ah a ng’vai gui cu ng’hui na ci gui ah kya ci. Irenaeus cu a mät ah yum nak kä ng’pai ein hleih m’hteng ne a yum nak m’dang ciah kya ci. A k’hngih vei nak ung a ni ng’shi k’ca ba u ne ci u hleih phih a ni ah yum nak ung m’hteng kheng geng hleih a k’hngu ah a ni cu a mi ngon vai ah a  mi phukpit ah kya ci. A ni ngong ci gui ah k’chang gui no a ni cu a lu k’ke ung m’chünpit u ne a kyä cu tui nu ung a mi m’hteh ah kya ci.