’Hngumi om-’kà ami pha lo.

Jesu cuh, Htanlun khàw m’htung-ah hteit ci. Khaw-ngói htá-ah khàw im-ah lo neh k’chàng gùi cun phih ani-ah lo u hleih Báwi nawh ngoh neh m’thei gùi ci.

Cun zah ung k’chü m’cäi k’süm gùi lah Pharisee gùi nawh, plet hleih ami àwt-ah k’hngumí tumat cuh a mà-ah lo püi neh a ng’lak-ah m’düih ci gùi. “Báwi àm ami piéin cuh, “Báwi aw, sin-ah k’hngumí cuh, plet hleih a tuh-bäih hnguh néi. Sin-a hlo, k’chàng cuh lung awn voih vai ci neh Mosess nawh, m’cäi-cã ung m’cäì ghüt ci. Nang läí nawh a i na piéin tu vai om ci ang?” Cun-ah ami piéin cuh, Báwi-ah k’chü san lah, ng’gú k’puk vai-a phäh-ah kia ci. Jesu läí cuh kóp neh akut k’hngu awn m’dek ung guk ci.  Ngamí nawh phih lèng lèng bà neh ng’si u hleih tä bà neh, “Nangmí ung kat kíünnak ci nawh, vòi mà hlä,” ci nehtah  Kóp bà neh m’dek ung gu bà mä ci.  Ngamí nawh ng’za u nehtah tumat kon-ah tumat a ng’vái tu bà gùi mà hleih hteit bà ci gùi. A ng’lung-ah ng’düí ci lah Jesu bäng, om bà ghüt ci goi. Cun kon-ah, Jesu nawh tä bà nehtah, “k’Hngu-mí aw, ng’gú ning k’puk ci gùi cah, hòi ang? A u nawh kä ning m’kat ci ang?” ci hleih, “Kä hmat néi,” ci ci. Jesu nawh phih, “Kä ka ning m’kat tu ci. Hteit-ä. Cein kòn-ah kat kä bi èin bà-ä,” ci neh m’cäi ci.