Jerusalem khàw ami m’kiüinák-ah, Jesu hteit tu ci.
Cun kon-ah, Jesu cuh, Galilee khàw-ah hteit ghüi neh om ci. Judeu gùi nawh ngáwn vai neh sùi u hleih Judea khàw-ah kä hteit bà hlü ci. Judeu gùi-ah khàw m’kiüinák ng’et lo ci
Cun kon-ah, Jerusalem k’tu a m’sah nawh, ami ngáwn hlü cuh sin-ah kä kia ci ang? Teng-vä. Van-ah mà-ah, a ng’dáng-ah ng’htà láng hleih kä m’däh pang ci gùi. Christù-ah a kia cuh a ng’vái gùi nawh, hmat u neh-ang? Cun tu pang-ah phih, sin cuh, a hòi-a kah a kia mi hmat ci. Christù a lo-ung a hòi-a kah a kia, a u nawh phih kä hmat khai,” ci neh piéin ci gùi. Jesu nawh khàw im-ah m’thei neh a ng’khái ah a piéin cuh, “Kei phih nami na hmat ci. A hòi-a kah ka kia phih nami hmat ci. Ka ng’zák hlü hlu-ah ka lo ci-ah kä kia ci. Na tüì lo ci cuh, càng tu k’càng ci. Ani cuh, kä nami hmat ci. Ani cuh, kei läí nawh ka hmat ci. Ani ung-kah, ka om lo ci-ah kia neh ani nawh vah a na tüih lo.
Cun kon-ah Báwi pha vai neh sùi te ci gùi. Cun tu pang-ah phih, a k’hngüp kä gok pha ci-ah kia hleih a u nawh phih akut awn phih kä tòn ci. K’Chàng gùi-ung-kah a k’dá nawh, Báwi zùm u neh, “Christù a lo ung sin-a tah dá tu bà ci-ah cäinák m’dáng khai ang?” ci ci gùi.
