Papa Shangpughang ah ng’thu

Boi Yesu ah a müi hmai a ng’thong hlah cu Boi Yesu shih nak ung ka no a ghün lo ba nak ah a k’khang a ge ah a m’dang ah kya ci . Shih nak lah ghün lo ba nak, a k’hngüp lah ghatghum nak a mi m’ghuih teh nak lah m’neh m’oh nak awn yaica khai ah shing m’kang a mi kyang  or yaicabuiawt nak ung a mi ghoh ah kya ci. Boi Yesu awn a täng ah ng’läk tu ci gui cu Boi ah Taimah nak hngu tu lang pang u ne phih a k’ten ah a í ci cu kä hmat ci gui ah kya ci. Htitheing ca Muh Khanpughi no Boi Yesu cu a kya ah k’kang ciah kho ng’mei awn a k’bui yah ung Pakhanpughi ah k’o cu ng’yak ciah kya ci. Khanpughi ah k’chang ah kya ciah a Taimah nak a m’dang cu Petru, Yakuk, Yohan ni am k’chang ng’bum a dâ a mi hnguh vai ah phäh düt ah a m’dang ah kä kya ne Khanpughi awn thû hleih ng’hnguh ng’hmat nak m’dang ciah m’yo m’nem nak ah Taimah nak cu mi ng’ngahtüh hnging ciah kya ci. Kho m’dek khan ah kä ni ci gui (thüihlei yaica nak) gui om tu pang lang hleih phih Khanpughi ah Taimah nak ( Boi Yesu ah a ng’thonghlah nak ) no ngoiä shümlä vai ah k’hmaleim gui na m’thong hlah pe gui ne, mi mi gui ah m’lung ung a khang na pe gui ci. Khanpughi ah m’dang nak cu k’pyhon nak a k’ni ah kya ci ci ne pyein ci.

Source: Vatican News