Kyün hloi a k’hngih nak kyün k’hngüp

Amüí ng’thog ci.

Khaw k’hngüp k’chuk ng’phlän chü-tah Jesu nawh Petru, Jacob lah, a nàü Johan, chü gùi neh ami mät bäng ami omnák hnging vai-ah, khaw m’htung k’hlüng-ah, khah püi gùi ci.  Ami mà-ah a müí ng’thong ci. Amüi hmai cuh khaw k’hngi vai hlü-ah ’khãng ci. A hlui-hlak phih, hlüì tak vai hlü-ah bók ci.  A cu vai àm Mosess lah Elijah ng’dáng lo nineh Báwi awn ng’htà ci goi.  Petru nawh“Báwi aw, sin ung omnák phia ci. Na ng’zák hlü-ungtah phung-htá  nang kavai tumat, Moses kavai tumat, Elijah kavai tumat, phung k’thum-ah mi tuk kò,” ci neh Jesu àm piéin ci.  A cun a ci zah ung ng’mèi ’khãng nawh sung gùi neh ng’mei-hngu-a kah k’áw nawh “Sin cuh a ng’htéi-ah ka m’hni-ah ka Htá néi. Ani ng’ngài vä,” ci ci.  A-hlu-läk gùi nawh a cun ng’zák u nehtah kiü u neh ng’bóp neh ami hmai thup ci gùi.  Jesu nawh k’et lo gùi neh tàwn gùi nehtah “Let lo vä. Kä kiü èin vä,” ci ci.  Ngami, tä lo bà u neh teng u hleih Báwi Jesu kon-ah a u-phih kä hnguh ci gùi.

Khàw m’htung-a kah, ami kium lo bà-ah k’phei-ah, Báwi Jesu nawh “k’chàng-ah htá, sihnák-ung-kah a ghin lo bà güt-ah chüt, nami hnguh cuh, a u àm phih kä nami m’thein eìn tu vai,” ci neh m’cäi gùi ci.