Ni cang nak ng’kyüm be nak.

Pó-k’chàng zèinák vai, chigà ú vai, ci cuh nami ng’zák tu man ci.  Nangmí àm, ka piéin cuh, ‘nami chigà gùi, m’hni gùi vä. Ning ú gùi ci àm, a k’ní vai ci pe gùi vä. Ning ’kalu na gùi ci lah, kä càng-èin  hleih nami thàng se ’khai-ah k’chü ci gùi kavai, k’tài-gü pe vä. Cun-ah nami ci ung k’chàng k’ni k’se avan-ah ’khãn-ah, khàw zu-hlo hlak neh k’ni k’se bi ci van-ah ’khãn-ah, khàw phih zu m’ã ci-ah, Khãnmòpí-ah om ci-ah nami pá-ah, htá gùi-ah nami kia khai.  A i-ah kia hleih ci ung ning m’hni gùi ci bäng, nami m’hni ung a i ng’khéng nami gah khai ang? A khawn lók ci gùi hngo nawh a cun cò tah ci ci gùi néi. Nami phäí-nàü gùi bäng, nami hnguh ng’hmat püi gùi ung a i hngá hleih nami bi ci-ang? Khãnpùghí kä zùm ci gùi hngo nawh a cun còtah ci ci gùi-ah kä kia ci ang? Cun-ah kia hleih, Khãnmòpí-ah om ci-ah nami pá-ah ni-bänák-ah hlo-ah, ni-bänák ung bé tu vä.