A Zái-cã vai gùi piéin htük ci.

Báwi nawh piéin neh “k’chàng-a htá cuh, a ’kà-ah zái-cã lo khai. k’Chàng ng’vái gùi, k’tài-gü ng’vái pí gùi lah k’chü m’cäi k’süm gùi nawh ma u neh ngáwn lo khai gùi. A k’thum k’hngüp-ung m’ghin bà-ah kia khai.

Cun kon-ah avan-àm piéin neh “Tumat kù nawh na läk hlü ci-ah a kia-ung, a mät nawh a mät ma neh, akut-lam k’tung a k’hngüp täi ’kot neh na läk hlä. A i-ah kia hleih ci-ung, a mät-ah hngùn k’phión hlü ci-nawh, m’dí khai, kei-ah phäh-ah a hngùn m’dí ci läí nawh phión púi khai. Khàw m’dek púm gah nehtah a m’chà m’dí ci-ah phäh-ah a i, màwng khai ang?  A i-ah kia hleih ci ung tumat kù cuh kei-ah phäh-ah lah, ka k’chü-ah phäh-ah, na thui ng’ànak ci-ah a kia-ung, k’chàng-ah Htá nawh phih, a mät-ah tài-mahnák-awn a lo bà-ung, a Pá-ah tài-mahnák mà-ah lah, Khãnhtapup gùi-ah mà-ah, thui ng’à na tu bà khai.