Bä ciah Theotonius ah ghünlu a mong

12 century ung a mi m’düih thai ah kya ciah Potugual ghunkho ung ka Theotonius cu htitheing ciah kho m’dek Holy Land ah htei ne k’taigü ciah kya ci. A ng’tüi nak ah kho ah gok lo ba hleih Potugual ghungkho mâng gui no a ni ah nga tu pi caih a hnguh hmat nak gui ah phäh ah m’hlüng m’tai ne ngak u ne Taigü Mâng ah a kya vai ah k’tha pe ci gui.  Cun tu pang ah phih a ni no ghunkho mâng gui ah ng’yak hlü cu dam ne duyai ne pyam ci gui ka vai ah k’tha na ne bi ciah kya ci. Theotonius cu a k’hngi vei nak Holy land ah htei ba mä ne ta Coimbra ung Yahteih kyawng co ciah kya ci.

A cun ah a bi loh büceng gui a awng tang vai ah a ni cu Shangpughang Alphones lah Shangpinu Mafalda no ngui awn a ni gunghtot tu ah kya ci. Htithein ciah shing m’kang ci ne a ming a mi peit ah Yahteih kyawng cu Shangpinu Mafalda no a k’ni ah gunhtot ne ci tu pang lang hleih phih a van khai ne a mi ci ah a cun ah kyawng ung hteit ne a om tu vai ah Yahteih a ng’vai gui no kä mi yum ah kya ci. Theotonius cu a cun ah kyawng ung a ng’vai ah kya lo ne kho kum 30 khe läklam gui awn k’taigü ne om ciah kya ci. A ni cu Christu kum 1166, a kho kum 80 ung shih ciah kya ci.