Pharisee lah Herod ah k’có nami ng’ngaih nak vai.

Ngami nawh m’htut ami hteh püi vai, k’hmih u hleih ng’hlè-kõ’khãn-ah m’htut ng’lung ät kon-ah, a i phih kä om ci.  Báwi nawh phih, “Pharisee gùi lah, Herod-ah k’có ng’ngaih na neh nami hloi vai,” ci neh m’cäi gùi neh piéin ci. Ngami nawh phih, “Mihmi nawh m’htut kä mi lo püi hleih vah,” ci neh ng’ngah-tüh neh ami mät gùi piéin ci gùi. Cun-ah màwng cuh, Jesu nawh hmat neh ngami àm a piéin cuh, “Nangmi nawh m’htut kä nami lo püi-ah màwng, a i-ah kia hleih nami piéin ci ang? Nangmi cuh, tuh-güt hmat-ah phih kä nami hmat, ng’ngaih-a phih kä nami ng’ngaihnák ci ang? Nami m’lung cuh, a tuh-güt m’dah ci ma-â?  Nami mik-ùi om láng hleih kä nami hnguh ci ang? Nami hnga-kõi om láng hleih kä nami ng’zák ci ang? Ng’ngaih-ah phih kä nami ng’ngaih-nák ci ang? Phia-k’hmakip ung m’htut ng’lung hmà k’bo ung a i-chü nami kõ bà ci ang,” ci hleih “Voh gha-leigoi” ci neh piéin bà ci gùi. “M’Htut chüih phih phia-k’phlikip ung a k’pi, a i-chü nami kó bà ci ang?” ci hleih “Voh k’chüih,” ci neh piéin bà ci gùi.  Báwi nawh “Nangmi a i-ah kia hleih kä nami hmat ci ang?” ci neh piéin ci.