Bawi Noh Mikmi Gui Ka Vai Na Shih Pe Gui Ci
“Mät-ah teih püi ng’kho k’chang-ah phäh mät-ah hngun m’shih neh m’hngi nak-ah ni pi ca m’hngi nak u-ung kä om khai.”(Jn 15:13)
A k’hnugh pi Bawi Yeisu lah ahlu läk ng’shä gui mü ei ami ei awk nak-ung tumat noh ani ngon khai ci cuh Bawi noh hmat ci. Bawi cuh lo ma-ah hteit neh ak’taigü yah-ung ga k’kap ng’bum ät cuh gok lo neh aphe-ah khah püi ci gui. A ngong k’tung tumat-ung k’pong neh m’ghüih the ci gui. Ng’hling lu chüm cun phih k’bün ci gui. Cun kon-ah shing m’kang k’tung ak’hnging nu pyang u neh k’koh hlak u hleih ng’täng ba hti ci.
Bawi-ah anu-ah kia ca Nu Maria cuh ahta akia-ah m’hngi ca kia neh k’chang gui noh ami m’ghüih teh gui cuh hnguh dam neh kyap ci.
Shimung ng’ming nak ca m’lung k’ni om ca k’chang tumat noh Bawi-ah shing m’kang cuh m’htung-ah chüt hleih k’kawh tu püi ci.
Ga k’kap gui noh Bawi cuh shing m’kang -ung ngon ci gui. Shing m’kang k’tung-ung ng’hling luchüm k’büm neh m’shüp-awn akut kho chen neh kyang ci gui.
Bawi cuh akyä hla m’neh aih neh Adam lah Eva-ah kat nak gui lah mikmi gui-ah kat gui-ah phäh-ah na shih pe gui ci. A shih nak-ah kho k’hngüp cuh hti theing ca kho k’hngüp ci neh chü-ah kia ci. Bawi Yeisu cuh shih hleih a gawk cuh chang ba neh k’phuh ci gui. Bawi Yeisu cuh mikmi gui ka vai Khanmopi k’shoh ana k’hmawn peit gui vai-ah phäh-ah na shih pe gui ci. Bawi Yeisu noh a hngun mät na pe gui ci. Mikmi gui-ah phäh a hngun na pe gui ci-ah Bawi a bä hta ni.
