Bä ciah Sigfrid ah ghünlu a mong

Feb 15 Bä ciah Sigfrid ah ghünlu a mong

Bä ciah Sigfrid  cu Sweden ghunkho ah Khanpughi ah k’phan k’chang ah a ming thang ciah century 11 Khanpughi ah mong lam thähla m’thei m’thang ciah Taigü Boi tumat ah kya ci. Norway Shangpughang Olaf Tryggvason cu Christian tumat ah a kya lo tuk on ah England Shangpughang Ethelred am a ghunkho ung Khanpughi ah mong lam gui thähla m’thei m’thang khai gui a tüih vai ah ng’huipa na hleih Taigü Boi k’thum ah kya ciah Sigfrid, John lah Grimkel k’thum cu  hteit ci gui ah kya ci. Ngami k’thum cu Norway bäng ah kä kya hleih Sigfrid mät no yung a bi nak man ah Vaxjo ung phih Khanpughi ah mong lam gui thähla m’thei m’thang ci gui ah kya ci. Husaby ah pei ah om ciah tui k’büm tumat cu Sigfrid ah cam ah tui ci ne a ng’ming a mi peit ah kya ci. A cun ah tui k’büm ung cäicat vai a mong gui buiawt hti ci gui ah kya ci. Engaland ghun kho k’chang Sifrid cu vetjo ung a kya ah k’tha na ne bi ciah kya ci. A ni cu Christu kum 1045 yah ung shih hleih a cun ung om ciah Phaya kyawng ung a mi k’phuh ah kya ci.