K’Chàng phia-k’phlikip-àm muk m’bei ci.

 Cun zah ung k’chàng a k’dá lo bà mä u hleih ami èi vai kä om hleih a-hlu-läk gùi chü gùi neh a piéin cuh; “K’Chàng ng’bum gùi cuh, ka k’chü ah nák ci gùi. A i-ah kia hleih ci ung k’hngüp k’thùm pum kei awn om tu pi ci gùi. Ami èi vai phih kä om ci.  Ei k’si-ah ka tüih bà gùi ung lam-ah èi ah ng’hngai khai gùi. A i-ah kia hleih ci ung a m’sah cuh, lam k’hlá-a kah lo ci gùi.”  A k’chàng gùi nawh phih, m’sàng bà u neh, “Sin-ah hlalai tai ah, ngamí phü khai gùi-ah m’htut, u nawh m’bèi gùi hnging khai ang?” ci u hleih, Báwi nawh, “Nangmi ung m’htut a i-chü om ci ang?” ci hleih “k’chüih,” ci ci gùi.

Cu kon-ah, k’chàng gùi, m’dek’khãn-ah, ami ngoh vai-ah piéin nehtah m’htut ng’lung chüih cuh, la neh k’tài-gü neh k’bo neh k’chàng gùi àm, ami tèi gùi vai-ah a-hlu-läk gùi àm pe gùi hleih ngami nawh k’chàng gùi-àm, tèi gùi ci gùi.  Ngá a pi htá cun phih, Khãnpùghí süm hmat-èi ba neh-tah ngami am tèi hlak gùi ci.  Ngami nawh èi neh phü u chü-tah k’poih bà ci-ah, a k’pi htá gùi cuh, voh k’chüih-ah m’htäm ba ci gùi.  Èi ci gùi cuh, phia k’phlikip hlók lo ci gùi. Ngami cuh, tüi bà gùi nehtah a k’ten-ah ng’hlè-’kõ ’khãn-ah kài neh Dalmanutha pigò htá-ah gok ci