Papa Shangpughang ah ng’thu

Khanpughi ah ng’thu cu cang lam lah a ng’phlan nak vai ah phäh ah mi mi gui ah coi gha cu na m’shang gui ci. Khanpughi ah ng’thu k’ni lah yumtu ng’bum ah ng’lak ng’et ciah ng’hnguh ng’ hmat nak, htitheing ciah ng’thu k’ni ng’ngahtüh nak cu yum cik k’tu am Khanpughi awn a í hok cha ng’thu ng’hta vai ci cu na m’shüm gui ci. Khanpughi ah ng’thu cu htingling ciah ghünlu ung Khanpughi awn ng’hta ng’ko ci-ah kya hleih Khanpughi awn ng’hta ng’ko hnging vai ah na ci pe gui ne a ni ah bi loh nak ung yumtu ng’bum am k’tha pe ci. Mi mi gui cu k’chü ng’lung gui a k’daa no na k’bui gui hleih a cun ah hngu ah  mi ghüng ciah kya ci. A cun ah k’chü ng’lung  a í k’chü ang a kho lä ah a kya . Htitheing ciah ng’thu k’ni ah a phu lah m’yungaa a phäh ah thuuk ciah a mong lam cu Boi Yesu lah a ni ah ng’gei ng’cam nak ah ng’thu ah  kya hleih ng’bum im ung om nak awn Boi awn a cun cu hmat ah kya ci.  Ng’thu k’ni a van cu mi mi gui tumat hti lah k’chang gui a van ka vai ah a mät ah k’chang ah a kya nak lah a k’pyhon nak cu thähla ciah kya ci.

Ng’thu k’ni ng’ngahtüh ne om cu mi mi gui am Khanpughi awn ng’hnguh ng’hmat nak ung na m’om gui ciah kya ci. a cun cu Boi Yesu hmat vai lah Khanpughi awn ng’hta ng’ko vai ah kya ci. Ng’thu k’ni kä hmat cu Boi Yesu kä hmat ah kya ci ci-ah Bä ciah Jerome no a pyein ah hlo ah  Khanpughi ah ng’thu k’ni ng’ngahtüh a k’tung pi ah büceng nak cu Boi Yesu a k’ni ah hmat vai lah Boi Yesu ung ka no Khanpughi awn ng’thu ng’hta nak hmat lo vai ah vai ah ng’thu ng’hta nak ah kya ci. Khanpughi cu k’chang gui am a teihpüi vai hlü ah ng’hta ng’ko ciah kya hleih a cun cu k’thu k’ni  ng’khei ung k’taigü nak ah kya khai ah k’khei vei hlü ci ne Papa Shangpughang Leo no pyein ci. 

Source: Vatican News