Lourdes ah ng’dang ca Nu Maria ah poi cuh Thin Chong pigo ung bi ci gui.
Mindat k’taigü mang kho Thin chong pigo ung om ca Nu Maria Shrine cuh Lourdes ung ng’dang ca Nu Maria on ap neh poi bi hti ci gui ah kya ci. February k’cha 11 nak ung Mindat K’taigü Mang Augustine noh khong mang hleih Bawiphaya k’thum gui on ät neh Nu Maria ah poi hngi m’khin ko yah ung leng neh Missa gänap neh bi ci gui ah kya ci. A cun a ami bi nak ung K’taigü mang noh Lourdes ung ng’dang ca Nu Maria among cuh pyein ca kya ci. Nu Maria noh bä ca Benettet ah ng’dang neh k’chang gui ah kat nak gui ah phäh ah k’taigü vai lah ng’bumim ami coh vai Bawiphaya gui on a pyein vai ah m’cäi ci. Bä ca Benedette cuh Nu Maria on a täng a ani k’taigü gui ni, Lourdes ung om ca “Tui” cuh k’chang gui k’phyion ca kya hleih hteit neh k’taigü ci gui phung noh a cun a “Tui” cuh la tu ci gui. Tui cuh bä ca kä kya ci. Yum nak on vah k’phyion nak gah ci gui” ci neh k’taigü mang noh m’thei m’cäi gui ci. A cun a k’taigü nak ung yumtubum phya vai lo neh Nu Maria m’hlüm tai lo ci gui.
