K’Hngumi nú tumat-ah zùmnák.
Jesu cuh, cu zah-a kah, ng’düí lo neh Tyre lah Sidon khàw ah hteit neh im tumat ung lut nehtah u-àm kä hmat hlak hlü hleih phih, kä ng’zih hlot ci. Khaw-’nget nawh a pha-ah k’hngumihtá om ci-ah hngumi nawh Jesu a gok cuh, hmat neh a k’tén-ah lut lo neh a mà-ah ng’bop ci. Cun-ah k’hngumi cuh, Syrophoenician pa-khúi, k’chàng hei ni ung-kah kia ci. A htá k’hngumihtá ung-kah, khaw-’nget a k’täm vai-ah ng’hui ci. Báwi nawh phih, “Htá-gùi ami phü vai-ah mà neh èi càng u hlä. A i-ah kia hleih ci ung htá gùi ah m’htut cuh, la neh ui-àm vuh vai-ah kä kia ci,” a ci. Ani nawh m’sàng tu bà neh, “A cun néi, Báwi aw, ui gùi nawh phih, pe m’sòn’kâ-ah ng’theh ci-ah èi ng’zaih cun tah èi tu man ci gùi-ah mo,” ci neh piéin bà ci. A cun a ci-ah phäh-ah ani am Bawi nawh, “Hteit-ä, khaw-’nget cuh, na htá-hngumihtá ung-kah, lut lo bà pi ci,” ci ci. Ani cuh, a k’piü-ah hteit bà neh k’hngumi-htá ung-kah khaw-’nget a luh lo bà pi cuh, hnguh ci.
