Yeisu Bawi Noh Cäi Cat Vai Ma Mong Gui Bi ci
Yeisu Bawi noh K’chang Phya k’hma kyip am’bei gui
Yeisu Bawi cuh amät hta bäng om hlü neh Kalilia tui nu-ah pei-ah hteit ci. K’chang gui onoh a hoi-ah a om cuh hmat ci gui. K’chang phya k’hma kyip noh i baw tah na m’thei m’theing ba gui khai ci-ah ami ng’ngaih ää[ nak-awn a hngu cuh läk ci gui. Yeisu Bawi noh ngami-am ma mong ak’khak leng leng cuh m’theing m’thang gui ci. Ami ng’thei ng’tham tu yah-ung ei ami ei nak vai k’hngi m’chin cuh gok lo ci. Cunte k’chang ak’da tu ba cuh ei kä sho lo ci gui. Bawi noh ahlu lä ng’shä gui noh Bawi-am ang’et-ung om ca pigo gui-ung hteit neh ei awk vai gui ami k’hleih vai-ah pyein hlak ci gui. Cunte Bawi Yeisu noh tumat ku ku-ung kah ei awk vai shui neh ami thak lo vai-ah pyein ci. Ngami noh m’htut k’hma lah nga ng’yun goi shäm ca k’hmaw k’tho tumat cuh hnguh ci gui. Bawi Yeisu noh k’chang gui avan-am ami ngoh vai-ah pyein na gui ci. Cun kon-ah m’htut lah nga cuh k’taigü nehtah tei bo hlak gui ci. K’chang van noh ami ei kon-ah ak’khak k’poih ci.
Yeisu Bawi noh a kho lek ng’chem ca k’chang a hth ba thei hlak
Kho kum (38) pum go ca k’chang tumat cuh tui k’büm pei-ah om ci. Cun-ah tui k’büm pe-ah ng’yän ca k’chang tumat cuh Bawi noh hnguh neh cun-ah k’chang cuh kho kum k’sho yai ca tu lä ca hmat lo neh “Nang cuh na gai ba hlü ni-ang ?” ci neh ng’shi ci.Ani noh “Ka Bawi-aw tui hngün yah-ung tui k’büm-ung na k’cha tu khai u kä om ci.Tui k’büm-ah ka hteh tu yah-ung na ma ta u neh tui-ung ma kyum ba yop ci gui” ci neh m’shang ba ci. Yeisu Bawi noh “tu k’bäih ng’düi lo neh na oh nak lok ba neh m’khan neh hteit tä” ci ci. A cun vai-am tah ani cuh gai ba neh ng’düi lo ba neh a ih nak cuh lawk neh m’khan neh hteit lo ba hnging ci. Yeisu Bawi cuh Khanpughü-ah hta-ah kia ci. Pa Khnapughü noh Yeisu Bawi cuh k’chang gui agung gui vai, ngami-am cäi cat nak gui am’dang vai, Pa Khanpughü ami m’hngi lo hnging vai gui-ah phäh-ah kh m’dek khan-ah atüih lo-ah kia ci. Yeisu Bawi noh kä ng’chüih ng’khong ci gui ni, go pai ci m’gai ba gui ci. A k’pang gui ng’lang ba gui hlak neh am’dah gui phih m’dei ba gui hlak ci. Yeisu Bawi noh apa Khanpughü-ah hu ham m’yung aa gui lah ani-ah m’hngi nak gui cuh m’dang gui hlü ci.
