Jesu nawh k’chàng phia k’hmakip a m’bei.

A-hlu-läk ng’sä gùi cuh, Jesu-ah ng’bum lo u neh ami bi gùi lah, ami m’thei gùi-ah màwng cuh, m’thein tu ci gùi. Báwi nawh phih, “Hlatai-ah a dümnák-ah a säng ng’düm vä,” ci neh ngami àm piéin ci. A i-ah kia hleih ci ung hteit-htawn ci gùi dá ci gùi-ah kia hleih ei hngo kä eì hlot ci gùi. Ngami cun phih, ng’hlè-’kõ awn hteit nehtah hlatai-ah, a dümnák-ah hteit ci gùi. Ngamí-ah hteh cuh, vang-’kàm täng-ah om ci-ah, k’chàng gùi nawh hnguh neh ami htehnák vai phih hmã tu neh cun-ah pigò gùi-ung-kah k’chàng gùi cuh, ana dáwng mà neh ana gok mà ci gùi. Jesu cuh, ’kàm-ah a gok lo hlu-am, k’chàng a k’dá ng’bum u hleih hnguh-gùi neh htò-k’säm kä om ci-ah, htò gùi vai hlü-ah kia u hleih k’chü k’hngà gùi neh ngami àm a màwng a k’dá, lèng neh m’thei lo gùi ng’tüi ci.