Bä ciah Edigio Maria ah ghünlu a mòng

Bä ciah Edigio cu Christu kum 1729 ung Italy ghun kho Taranto ung ng’tüi ciah  kya ci. A kya ah du khaih ciah a pa cu Bä ciah Edigio a kho kum 18 ung shih ciah kya ci. K’kyawngkhui ung  om ci gui shui ne a m’ei gui vai cu a ni ah bi vai ah kya lo ci. A cun ah a bi vai gui cu a khokum 25 ung ng’päng khai ah a k’ni ah bi hnging ciah kya ci. A cun ung ka no ei k’ok shong cik  ne, m’kon m’ke ciah k’chang tumat ah Naples ung om ciah goi pyam ci gui a mi om nak ah seiyung ung khokum 53 peng peng gänap ne bi lo ciah kya ci. Lam a hteh nak ah ng’chum ci gui päng am Khanpughi a yum m’hngi vai ah k’ngaphlang ciah kya ci. A ni cu Bä ciah Joseph lah Ng’lami hta Maria ah k’khan ah  chüi-kha ne om ne k’chang gui phih a cun ah a mi om tu hnging vai ah m’thei m’cäi gui hnging ciah kya ci.  Bä ciah Joseph ah k’taigü nak peit awn du ne pyam ci gui a gunghtot nak vai cu a k’cum ah om ciah kya ci. A ni ah k’chang gui ah khan ah k’chü k’nga ne a bi lloh nak gui awn Naples mânggo ung a ni cu m’lung ah gei nak ci ne a ng’ming a mi hlui ah kya ci.Bä ciah Joseph cu Christu kum 1812 ung shi ne-ta 1888 ung bä ciah k’chang tumat ah kya lo ci.