Jesu nawh Púi khàw-’khì m’düm ci.   

Cu-k’hngüp mü-hngün lo hleih ngami àm, “Vang-’kam ah mi ng’kat kò,” ci ci.  K’Chàng ng’bum gùi cuh, tüi-èin bà gùi nehtah Báwi cuh, ng’hlè-’kõ ’khãn-ah om hleih a-hlu-läk gùi nawh a cun mät awn, khah püi ci gùi. Ng’Hlè-’kõ a hei gùi nawh phih, Jesu läk tu ci gùi. Cun kon -ah, akia-ah chi-goh lo ci. Tui ng’hngáwk nawh ng’hlè-’kõ k’plüm hleih ng’hlè-’kõ ung tui bé lo ci.  Jesu cuh, ng’hlè-’kõ-ah a lu täng-ah ip hleih ani cuh, m’tho u neh, “Báwi aw, kami dí lo-ah ci cuh, i-ah kä na tä ci ang,” ci u hleih Báwi cuh, ng’düí lo neh khaw-’chi be neh tui àm, “Dìm-ä, düm-ä,” ci hleih khaw-’chi düm neh dìm neh ni bà ci. Jesu nawh, “A i-ah kia hleih nami kiü’ci ang? Nangmi ung zùmnák kä om ci ang?,” ci ci. Ngami cuh, akia-ah kiük’tat u neh, “Khaw’chi lah tui ng’hngók hngo nawh a ng’ngaih-ah, Sin-ah k’chàng cuh, a u lèng lèng ang?” ci neh ami mät gùi ng’si tu kiu ci gùi.