Mindat K’taigü Mang kho gah nak kum ät a be nak

Mindat k’taigü mang kho gah nak kum ät a be nak cuh January k’cha 25 nak ung cühkheh, St. Theresa ng’bumim ung bi ci gui ah kya ci. A cun ung k’taigü Mang Augutine noh khong mang hleih Bawiphaya 27, Maamah gui 10 lah yumtubum gui phya vai ng’bum lo neh k’taigü ci gui. A cun ung k’taigü Mang noh” Mindat k’taigü mang kho ung mi bi vai cuh, Nangmi avan Khanpughi kavai ah kya ci. Khanpughi lam a bi vai gui cuh ät neh mi bi khai. Bawi noh lam a na m’shüm gui vai mi k’tha nak ko” ci neh a m’cäi gui ci.

Khanpughi shüm hmat nak a Missa gänap nak ng’pyi lo hleih Bawiphaya Ki Khui Om noh Mindat k’taigü Mang kho gah vai a i ah k’tha nak gui lah vum ät neh bi bi ci gui ah Bawiphaya gui avan nam shüm hmat nak gui cuh pyein ci.