Bä ciah Timothy lah Bä ciah Titus ah ghünlu a mòng
Bä ciah Polu no Khânpùghi ah mòng lám gùi thähla a m’theí m’thang yah ung a ng’tói püi ah kya ciah Bä ciah Timohty cu Christu kum ….. ung . A pa cu yum hei k’chang lah A nu cu Jue Pakkhui k’chang ah kya ci. A k’hmo k’chang hta ah kya ciah a ghünlu ung ng’thu k’ni a k’ni ah ng’thei ng’thang tu ne Bä ciah Polu ah kutu ng ka no m’shi nak lah vun ah nak gah ciah kya ci. Bä ciah Polu no a ni am Macedonia lah Roma mânggo ung ka no hngiphngäi hta ne ng’phäi na vai hlü ah a m’hngi nak ah ca cu ng’lep goi cu guk ne a peit ah kya ci. A k’hngu ah Timothy Ephesus mângggo ung Taigü Mâng tumat ah kya lo ne a ghünlu a ng’päng ah chüt hleih a cun ah mânggo ung om ciah kya ci. AD 97 ung Ekaret Shangpughang a mâng yah ung kho gùp gui düt m’shuuk chuk ci gui a mi gänap nak gui ng’hngu ng’tuk püi ne kä yum ah mong pyein hla ne kya hleih lung awn voi ne a mi ngon ah kya ci. Bä ciah Polu ah a k’chang ah kya ciah Titus cu Christain yum nak ung a yum lo tu vai ah Bä ciah Polu mät no a m’lung nga a ng’thong hlah hlak ah kya ci.
Bä ciah Polu ah a m’hngi pi ah a phan k’chang tumat ah kya ne Bä ciah Polu awn a täng ah Khanpughi ah mong lam thähla m’thei m’thang ci goi ah kya ne ta mä Jerusalem ung AD 49 ung a mi bi ah Moses no a pyan ah läklam gui a mong a mi ng’shi k’ca nak gui ung a mi ng’cuh va gui ng’bum nak ung cumboi tu ci goi ah kya ci. Yum hei k’chang k’kyawng khui ung ka no ng’tüi lo Jue gui ah yum nak awn kä ng’coih hleih Titus am vun hlih nak peit vai ah bä ciah Polu no kä k’bäi ciah kya ci. Bä ciah Polu no bä ciah Titus cu K.. mânggo ah Taigü mânggo ah kya lo khai ah a ci peit kon ah Taigü mâng gui ka vai a k’tung pi läklam gui cumboi ciah ca ng’lep tumat cu gu ne a m’khäh ah kya ci. A ni cu a cun ah mânggo ung AD 96 ung shi ci ci-ah yumtu ng’bum ah ca thung m’dang nak ung om ciah kya ci.
