K’Chàng k’hlí nawh Jesu läk ci gùi.

Jesu läí cuh, pinle ’kàm-ah a-hlu-läk gùi awn hteit bà ci.  Galilee khàw lah, Judea khàw ung-kah, k’chàng a ’khak nawh läk ci gùi. Jerusalem ung-kah nawh lèng neh, Idumea, Transjordania, Tyre lah Sidon ung om ci-ah k’chàng a k’dá nawh phih, ng’za neh a mà-ah lo tu ci gùi. k’Chàng ng’bum gùi nawh ami k’búi kilik vai-ah ng’ä neh ng’hlè-’kõ tumat ami m’séi vai-ah be gùi ci.  Gàw-pài zái-cã ci päng nawh Jesu cuh, ami tòn tu vai-ah ng’buh naton neh lo ci gùi.  Ng’Hloh-hngóm ci-ah khaw-’nget gùi-cun nawh phih, Jesu hnguh u neh a mà ah ng’bóp htá neh m’la neh ami piéin lo cuh,  “Nang cuh, Khãn-pùghí-ah ning Htá-ah na kia ci.” Jesu nawh phih, a mät-ah màwng kä mi piéin èin vai-ah m’htíng gùi ci.