A vang kut ng’gúng ci, a m’gái bà.

   Jesu cuh, cãgat ’kiong-ah lut bà mä ci. Cun zah-ah, akut vang ng’gúng ci-ah k’chàng tumat om hleih, kiün k’hngüp a m’gái bà-ung, Jesu cuh, kat ami k’bün èi vai-ah phäh-ah, ng’mün neh om ci gùi.       Jesu nawh phih, akut vang ng’gúng ci àm, “A ng’lùng-ah ng’düi-ä,” ci nehtah “Kiün k’hngüp ung a k’ní, kä cun ung a k’sé bi vai ang?  Hngùn k’phión vai, kä cun ung m’dí vai ang?” ci neh piéin ci. Ngami cuh,  güm neh om ci gùi.  Ani cuh, m’lung k’sé neh teng gùi neh ami m’lung a líng-a phäh-ah thüi ci. A cun-ah k’chàng àm, “Nakut k’säng-ä,” ci ci. Ani nawh phih a k’säng vai-àm, akut cuh, ni bà ci. Pharisee gùi nawh hteit bà u neh Jesu cuh, a i-ho chà-ah ami m’dí vai cuh, Herod-ah k’chàng gùi awn nìnák ci gùi.

Bawi Jesu ah kä bi hnging a i kä om ci. Bawi ah lo cigui cun phih gai neh hteit ba ci gui. Bawi ah mi hteit tu neh mi gai ba vai mi k’tha nak ko.