Papa Shangpughang ah ng’thu
“K’phan k’chang no a im mah no a í a bi cu kä hmat ciah kya hleih no nang mi k’phan k’chang ci ne kä ka ning chü gui khai. Ka teihpüi ci ne ka ning chü gui khai” Khanpughi no mi mi gui cu a ni ah hta k’hngu hta k’pa ah mi kya lo vai na pyang gui ci. Mi mi gui cu Khanpughi awn a täng täng ah kä mi kya hnging khai. Khanpughi lah k’chang ah ng’lak ng’hnguh ng’hmat nak cu Tui pyang ci lah tuipyan ah k’chang ah ng’chak ciah kya hleih kä täng ne om ciah kya ci. Hta Khanpughi k’chang ah kya nak ci tu ne a kyum lo awn a täng ah Khanpughi ah k’chü khän nak no a ni ah a hngu pi ah a bü ceng nak cu m’dang ciah kya ci. Khanpughi no a ni ah hta k’hngu hta k’pa ah mi kya lo vai na pyang gui ne a ni a hlo mi kya tu vai ah mi mi gui ah kä mi ng’kyüm be nak ung ka no na chü gui ci. A cun cu m’lung k’kyong ah htin ne ming ng’ngaih vai hlü ci.
Khanpughi ah k’chü m’kha no mi mi gui ah m’lung k’nga ung a luh vai lah Khanpughi awn ng’hta ng’ko nak ung Khanpughi ah hmat püi a mong ah kä kya ein hleih mät no mät m’dang vai. Mi mi gui ghüng ne mi om hnging vai ah Khanpughi awn ng’hnguh ng’hmat nak ung k’taigü nak cu a k’tung pi ah hlü ciah kya ci. Mät ah m’lung k’kyong ka no lut lo ciah k’taigü nak cu ng’päng ne awng tang ciah kya ci. A cun ah kya hleih Christian k’chang gui a k’hngüp täi k’taigü ne Khanpughi ah ni bä nak gui lah mät ah ghünlu a mong gui a k’ni ah ng’ngahtüh ne nak vai ah hngün cu shui vai ah hlü ci. Teihpüi po k’chang awn kä ng’hnguh ng’hta ba, kä tä ba ung ka no a í hok kya k’chang gui awn kä shon shang ba cu mi buit awt gui man awn mi hmat ciah kya ci. Boi Yesu no mi mi gui cu a ni awn teihpüi ah mi kya vai ah a na chü gui ah kya ci. Khanpughi awn ng’teih püi cu mi mi gui ah pyhon nak ah kya ci ci-cu Papa Shangpughang Leo no Pyein ci.
