Kiám-ah ei a m’gái bà.
Kiám-ah èi tumat cuh, a mà zah lo neh m’khúkdàwng neh “Báwi aw, na ng’zák hlü-ah kia-ung, kei na nà m’gái bà hnging ci,” ci neh ng’huinák ci. Jesu nawh ani k’chü-hngà neh akut gän nehtah ani tòn neh, “Ka ng’za hlü ci. Théing neh gái bà-ä,” ci neh be’ci. A piéin vai-àm, kiám cuh, ani-ung-kah lut lo hleih théing neh gái bà ci. Jesu nawh a u àm phih, kä na piéin èin vai, na ng’ngaihnák vai. Cun-tu pang-ah phih, k’tài-gü ng’vái-àm na käü na k’hmuh-vai. A k’càng-ah na gái bà-a màwng a ng’dáng vai-ah, Moses-ah m’thei m’cäi-a hlo-ah péit táknák na bi vai,” ci-ah, m’cäi kha-ät neh a k’tén-ah tüì bà ci. Ani cuh, hteit bà neh cun-ah a màwng piéin hleih Jesu cuh, pigò-ah, a ng’dáng-ah kä lut hnging neh a k’pùng zung-ah om láng hleih-phih a phé phé-a kah gùi cuh, ani-ah ng’bum lo ci gùi.
A u phih Bawi ah yum nak ngon lo ci cuh gai ba ca kya ci. Mi yum nak noh vah na k’phyion gui khai a kya ci. Bawi ah mi hteit tu neh mi gai ba vai mi k’tha nak ko.
