Bawi Ng’tüi lo pi ci
M’yu neh k’ching ca Ching k’cha mü ät-ung Bawi Christu cuh Bethelehem Mango-ung ng’tüi lo tu ci. Kho m’dek k’chang gui-ah kat nak gui k’phyon khai-ah hta Bawi cuh du khaih neh hlei ei k’ko-ung ng’tüi lo tu ci. Anu Maria lah bä ca Joseph cuh ani kai nak tu vai-ah imkai cuh kä gah tu ni neh Mango k’cawi hlei im-ung hta nak ci goi. K’khang neh ng’ng’shü ca mü kye cuh k’phyon Bawi ang’tüi nak-ah hlei im k’khan-ah k’khang neh ng’shü ci. Khanhtapup gui noh mopi-ah ka kyun lo neh “Khanmopi-ah kah Khanpughü cuh ang’däih taimah nak om hlä” ci neh ng’äi m’cu ci gui. Cun yah-ung hto k’shäm am’shah cuh ami hto gui ngäng ci gui. Khankho ng’shä gui noh kho m’dek khan-ah k’phyon ca Bawi ng’tüi lo pi ci nei ci neh m’thein lo gui u hleih hteit neh teng tu ci gui. Ami gok vai-am tah hlei ei k’ko hta-ung ng’tüi tu ca Bawi cuh hnguh ci gui. Lam k’hla-ah kah noh ai hli k’däm nu ci gui-ah Shangpughang k’thum cun phih ami khoi hngah nak tu vai gui lo püi neh Bawi cuh hnguh lo tu ci gui. Mikmi gui noh Bawi-ah ng’tüi nak cuh k’chnig k’cha (25) hngüp-ung mi bi ba hti ci. Cun-ah k’hngüp cuh Christmas ci neh mi chü ci.
