Kiám-ah ei a théing bà hlak.

Báwi cuh pigò tumat ung a om zah ung a käü púm-ah kiám nawh a ei-ah k’chàng tumat nawh Jesu hnguh nehtah “Báwi aw, na ng’zák hlü-ah a kia-ung, kei na nà m’théing m’thap hnging ci,” ci neh ng’hui na neh piéin ci.  Báwi nawh akut k’säng neh ani cuh, tòn neh “ka ng’za hlü ci. Htí-théing-ä,” ci ci. A cun vai-àm ani-ung-kah kiám cuh, lut lo ci.  Jesu nawh m’cäi neh “A u-àm phih, kä piéin-èin-ä. Cun tu pang-a phih, hteit neh k’tài-gü ng’vái gùi-àm na käü k’hmuh tu gùi-ä. Ngami nawh na théing-thap bà-ah màwng ami hmatnák vai-ah, Moses-ah piéin-a hlo-ah pe gùi-ä,” ci neh piéin ci.  Cun tu pang-a phih, ani-ah màwng cuh, hmat lo pí htí u hleih k’chàng a k’dá nawh ani ami ng’ngaih tu vai-ah phäh-ah ni, ami mät ung om ci-ah gaw-pàinák ung-kah ami phión vai-ah phäh-ah, a ät-ah lo ci gùi.  Jesu läí cuh, bung hngù-ah hteit neh k’tài-gü ci.