Bä ciah Julian lah Basilissa ah mòng
Julian lah Basilissa ng’chu ng’la goi cu ng’büh ng’mang k’chang ah kya ni ne, ng’chu ng’la vai hlü ah kä kya ein ne ng’teihpüi vai hlü ah im khai goi ah ni na ni ne-ta k’taigü ni ne htitheing ciah ghünlu awn om ci goi ah kya ci. a ni om nak ah a ni im cu sei yung ah a ni lat ah kya ci. A cun ah seiyung ung om ci gui ung ka a mi om nak vai im kä om tu ci gui lah k’chang gui ah ghunhtot nak kä gah tu ci gui ka vai a mi om nak vai pyan peit gui ci. Ngami ah ghunhtot m’htei m’hta nak ng’yak hlü ci gui ah duyai k’chang gui 1000 bäng kä kya hleih ng’bum lo ci gui ah kya ci. Julian lah Basilissa cu AD 4 ung Egypt khaw ah om ci goi ah kya ci. A k’chu Basilissa a shih kon ah Julian cu a ni bi k’däih ah k’chang gui gunghtot nak ah bi cu k’däih ne bi ciah kya ci. A cun ung ka no Emperor (Ekaret) Diocletian a mang yah ung Taigü Boi tumat lah hlukyi ah hta tumat awn a täng ah a mi lu k’kye m’chün pit ne a mi ngon gui ah kya ci.
A cun ah a ni om nak ung Christian gui no a mi gänap ah ghünlu awn gänap ne läk lam gui awn kat nak k’pyhan ne a ni om vai ah phäh ah duyai k’chang gui ghung m’htei ne hlü ci gui am peit tak ne ng’khai ci goi ah kya ci. Ngani a ni ng’chu ng’la cu a ni yum nak ah phäh ah cang lam ung a ni hngun pe ci goi ah kya ci. Julian cu a k’chu ah ta hngu ne shi ci ci ne a mi hmat ah kya ci.
