6 Hnguh hmat k’chang Mâng k’thum ah poi (Epiphany)

Epiphany ci cu Greek ng’thu awn m’dang nak ci ah ng’phlan ciah kya ci. Hnguh hmat k’chang gui k’thum cu ng’tüi om lo ciah Boi Yesu um m’nai m’shumchuk tu khai gui ah hliip lam ah ka no Jerusalem Mânggo ah lo ci gui ah kya ci. “ Ng’tüi om lo ciah Juda Shangpughang cu a hloi nei a om hliip lam ah a ni ah aihlii cu ka mi hnguh ciah kya hleih ka mi m’shümchuk tu khai ah ka mi lo ci” ci ne ng’shi k’ca gui ci gui ? A cun ah a mi ng’shi k’ca ng’yak ciah Herod Shangpughang cu cäi ng’ä lo ne Taigü k’tung gui lah Pharesee gui chü ne k’bum gui ne Boi Yesu a hoi ah ng’tüi khai ang ci ne ng’shi gui ci. Ngami no Prophet tumat no a guk nak ung O, Juda kho Bethelem Mânggo, kei ah k’chang k’bum Israel pa k’khui chang uk khai ah Boi cu nan gung ka ng’tüi om lo khai ci ne om ci a cun ah kya hleih Juda kho Bethlehem manggo ung Boi Yesu ng’tüi khai” ci ne Herod shangpughang am pyein ci gui.

A cun ah kya hleih Herod shangpughang no hnguh hmat k’chang k’thum cu chü ne Bethlem Mânggo ah tüi gui ne ng’tüi om lo tu ciah Boi Yesu na mi shui vai, shui ne na mi hnguh ah a kya ung kei ah om nak ah lo ba ne na mi na m’theintu vai, kei phih ka m’shüm’chuk tu khai ci ne m’cäi gui ci. hnguh hmat k’chang gui k’thum cu htei u ne aihli cu hnguh lo ba u ne a kya ah yei tu ci gui ah kya ci. A cun ah aihli cu ngami ah maa ah hteit ne Naayüt Boi a ng’tüi nak ah k’khan ah om ciah kya ci. hlei im k’kyong ah a mi luh vai lah Nu Maria lah Boi Yesu cu hnguh u ne m’khukku dong ne m’shümk’chuk u ne ta Ghui, Hlawpan lah Mira ci ah a phu kyüi ci gui cu gänap ci gui ah kya ci. A cun ung ka no Herod shangpughang ah kä ng’hlah ba vai ah a mi ng’mang she lo hleih a mi om nak ah kho ah a hei lam awn hteit ba ci gi ah kya ci.