Khãnpùghí-ah Htò teng vä.

Cun zah-ung, Tui  k’phùm Johan nawh lo ci-ah Jesu hnguh neh a péin cuh “k’chàng gùi kat-ung-kah, m’hlòt gùi ci-ah, Khãnpùghí-ah Htòhtá cäh teng vä.  Kei kä ka om pha-ung, om ci-ah kia neh kei-a tah, ng’vái pí ci, kei kon-ah lo khai, ci neh ka piéin te cuh ani néi.” Ka mät nawh ani cuh, kä ka hmat te, a cun-ung phih, Israel k’chàng gùi-ah mà-ah, a ng’dáng lo vai-a phäh-ah, kei nawh ani, tui-awn ka m’si lo ci,” ci neh piéin nehtah Johan nawh m’gòng k’bäi ci.  A cun kon-ah, Muh-Htí cuh müm-htá vai hlü-ah, ’khãn-a kah, kium lo neh ani-ung ngoh hleih ka hnguh ci.  Kei läí nawh ani kä ka hmat te. Cun-ung phih, tui-awn ka m’si vai-ah, na tüì lo ci nawh a ’khãn ah Muh-Htí nawh kium lo na hleih na hnguh vai-ah k’chàng cuh Muh-Htí-awn, m’si ci mät-ah kia ci néi,” ci neh a na m’thein te.  A cun-ung ka hnguh lo ci. Ani cuh Khãnpùghí-ah htá-ah kia ci-ah m’gòng k’bäi ci,” ci neh Tui k’phùm Johan nawh piéin ci.