hngùn kghìng gui on Chritian gui ah ktàigü
Kkhânpùghí o na tüî gui ah akghìng gui on ka ning mtâm ci nei.A kghìng gui cüh a van mchüt ca na kut ung ah om lo ci.Ngami cuh na shäm gui ah kya neh nang Bòi cuh ngami on atäng ah om neh na mhngî nak on be ci gui. Nang Bói ning mtâm ci gui. Htá Bói ah kya ca bä ca Jesu avan na tüì gui ci.Nang Bói cuh kami nú ah kya ca Nú Maria pôi kkyóng ah na ngtüì ci. Na Bói cuh khòmdek ah kyómnak kchàng ah mik on na teng ci.Tuh-ngói Bói cuh ghing lo ba ca phung tako on akghìng gui on atäng ah na om ci.Kaning mtam ci. O Htítheing ca Muh Kkhânpùghí o,na kkhâng bä nak on khomdek cuh Pá Kkhânpùghí ah mhngi nak ah lam mshüm neh na tüi khmüt ah a hngùn kghìng gui yaica nak ah nglung ah ami thüî kyah lo ung na om püî gui ci. Nang Bói cuh kami mlung ung om neh ni ca bi gui kami bi vai akkhâng na pe gui ci.Ka mi ning mtam ci.
Shing Kthùm tumat ah kya ca Kkhânpùghí nüt dòng neh kä gah ah cäí vai ah nghtòi o,ngmüng van ah kyóm teng neh na mòòng na ngah-tüh hlak ä. Avan no nang Bói ah mòòng mdáng ci gui. Na tüi khmüt ah a hngün kghìng van ah phäh ah ning mtâm thêi ca mlùng thähla hlak ä.Mhngînak ah Bói o,keimi gui am khòmdek a hngùn kghìng gui ah na mhngi nak lòng hlak ciah na kya hlak gui ä. Nang Bói cuh a i a hngùn kghìng phih kä na khmih ci. Ânâ lah ngùi ghùi shäm ci gui am akkhang pe gui ä. Ngami ah màmòòng ah kä kya ci vai hlü ah ami om gui nong neh ami kthá ken ci gui ami bä lo vai khòmdek ami mhtei vai ah akkhang pe gui ä. Dú ci gui lah khomdek cuh ng’êi nghlô ci gui nei.O Kkhânpùghí o keimi gui am na phung takò akkhâng on na kbé gui ä. Hngùn gui avan kami mhtéi vai ah na gung gui ä. Ni ca ma lam na pyan pe gui ä.Taga nak ,mhnginak,dìmkyäp nak,kyómnak on bé ca ghunkhò gok lo hlak ä.Kami ning mtâm ci.Amen.2015 May 24Ngmùimchà Kthéing Pòi Ca Mkhäh
