Anna noh Bawi Jesu among a pyein lo nak.

Asher pa-khúi-ung-kah Phànuel-a htá hngumi nú, Anna ng’mingnák ci-ah ce-ng’sä tumat om ci. Ani cuh, ng’làmi-ah, akia zah ung ka nawh tün neh kum k’chüih a cèi-awn ani om kon-ah,  cun-ah Anna cuh a khaw-kum ghàm lo neh kum k’chéitkip lah k’phlì-a chüt-ah hmeinú-ah kia neh a k’tài-günák lah ei a hloi nák-awn mü, k’hngüp, kä m’cha-ah, Khãnpù-ghí-ah im-ah hteit neh om man te ci.  Ani cun phih, a cun zah ung lo tu neh Khãnpùghí-ah bänák gùi cuh, m’tam tu ci. Jerusalem mãng-gò ung k’phiónnák güng kio te ci gùi àm, cun-ah a k’hmó-ah màwng cuh, m’thein tu gùi ci

ANú Pá goi phih, Khãnpùghí-ah m’cäi-ah ci ah, piüi-päng ghüt ni-nehtah Galilee khàw, Nazareth pigò-ah hteit bà ci gùi. Cun-ah a k’hmó cun phih ng’vái lo neh gái-phiet neh hnguh hmatnák-awn bé hleih ani cuh Khãnpùghí lah k’chàng nawh phih zèinak ci. Khãnpùghí-ah ng’khainák phih, ani-ung khäng ci.