K’Phyon Ca Bawi Om Lo Tu Ci
Kho m’dek khan ak’khang gah vai-ah ng’büh ng’mang ca Shangpughang (or) ling gai neh ng’tuk ng’aat thei ci cuh tüi lo ci. A ni noh tumat bäng-ah kia ca ahta cuh tüi lo ci. Yeisu cuh Khanpughü-ah kia ci. Cun te ani noh mikmi-ah hlo-ah k’chang tumat vai hlü-ah aom tu vai phäh-ah ang’ngah tüh bi loh nak-ung Nu Maria cuh ghüh ci. Bawi Yeisu cuh Nu Maria noh ä ci neh aäi nak-ah k’chü m’kha ät-awn ng’tüi lo tu ci.
Vai hlü-ung ak’khang kä om neh k’hngüp ci-ah im k’kyong-ung ak’sho ngoh neh na ng’gün-ung I-ang na ng’ngaih ko? Cun-ah hlo-ah Isarael pa khui gui cu phih k’phyon ca Bawi cuh kum k’sho ng’güng man ci gui-ah kia ci.Ngami cuh k’ghnüp-ung kho kum (2000) phlän hleih ng’güng man ci gui-ah kia ci. A hngu-ah Khanpughü noh ak’chü khän cuh k’be lo pe gui ci. Ani noh ak’khang k’däm nuh cuh ngami-am k’hnguh gui neh ak’hngüp nu cuh m’theing m’htaih pe gui ci. Bawi Yeisu cuh ak’khang-ah kia ci. Khanpughü noh kho m’dek khan pum ak’khang vai lah ng’büh ng’mang ca Shnagpughang (or) ling gai pi ca ga k’kap ng’vai cuh tüi lo ci. A ni noh tumat bäng-ah kia ca ahta cuh tüi lo ci. Yeisu cuh Khanpughü-ah kia ci. Cun te ani noh mikmi-ah hlo-ah k’chang tumat vai hlü-ah aom tu vai phäh-ah ang’ngah tüh bi loh nak-ung Nu Maria cuh ghüh ci. Bawi Yeisu cuh Nu Maria noh ä ci neh aäi nak-ah k’chü m’kha ät-awn ng’tüi lo tu ci.
Nu Maria cuh Nazaret Mang go-ung kah hti theing ca ng’lami hta-ah kia ci. Kho k’hngüp ät-ung k’khankho ng’shä k’tai Cabriel noh Khangpughü-ah ng’thu k’ni shä vai neh ama-ah ng’dang lo ci. Khanhtapup cuh agok lo vai-am tah “Ni bä nak-awn be ca k’hngumi-aw, nang-ung bä khäk nak be hlä. Nang cuh Khanpughü mät noh nung om püi ci.” ci neh m’tam khah ge neh hngu lo ci. Nu Maria cuh Khanpughü-ah pyein phung cuh yum äi neh bi lo hlü ci. Am’shang tu ba cuh “Kei cuh Khanpughü noh ana phan-ah k’hngumi-ah ka kia ci.Ang’yak hlü-ah ci-ah kei-ung kia hlä.” ci neh m’shang tu ba ci. Cun-ah k’chü m’kha cuh Khanpughü-ah pa khui gui-ah ng’lak-ung thuuk ca ma mong -ah kia ci. Cunte cun cuh ngami gui ami kat nak-ung ka noh ami phyon lo nak vai-ah ani-ah m’hngi nak-ah lam leh nak-ah kia ci.
Khanpughü noh Nu Maria cuh kä ng’tüi om lo tu pha ge-ung k’phyon ca Bawi-ah nu-ah akia lo vai-ah pong püi ge ci. Cun cuh mikmi noh tuh chü mi chü-ah “Kat nak kaa-ah ng’tüi tu nak” ci-ah bä khäk nak cuh gah ci. Pein hlü cuh Nu Maria cuh nu pa k’htük-ah kt nak-ung kah phyong ca kia ci. A caw kia hleih ani cuh m’shi nak Secramentu alak tu vai kä hlü ci. I kia hleih ci-ung ani-ah ng’mü m’cha-ung Khanpughü cuh ak’cum-ah om hleih kia ci. Cun-ah kia hleih yeisu Khanpughü-ah akia lo vai-ah chin ca kai ci. Khanpughü noh Nu Maria-awn ng’khah khai goi-ah k’chang k’ni Joseph cuh ghü neh Bawi Yeisu m’htei khai-ah ghüh ci.
Bawi Yeisu ang’tüi tu vai mü-ung Maria lah Joseph cuh ani ng’düm ng’tang nak tu vai im kai cuh hteit ghüi neh shui ci goi. I kia hleih ci-ung Ngani cuh Bethelehem-ung om ni neh acu yah-ung Roma kho uk ca Shanpughang noh au phih amang go-ah hteit ba neh k’kyong khui ng’ming gui ami m’cut tu ba vai ng’thu shä hleih kia ci. Ani im kai shui lo k’chit neh ak’hngu-ah hlei gui ami chum nak-ung kiawn ba hleih hnguh ci goi. M’yo m’nem nak-awn ng’tüi lo tu ge ca kia ci.
Khankho ng’shä gui noh kho m’htung khan-ah hto gui ngäng neh om ci gui-ah hto k’shäm gui-am “ Kei noh nang mi-am yei kyai nak vai ng’thu ka ning m’thein lo ci nei, Tuh ngoi David Mang go-ah Bawi Christu ci-ah k’phyon ca Bawi cuh nangmi ka vai-ah ng’tüi lo pi ci. Ani cuh hlei ei k’kaw-ung ip hleih nami hnguk khai nei.” ci neh m’thein gui ci. Cäi cat neh yei kyai tu ca hto k’shäm gui cuh sheng neh dawng neh shum chuk tu vai u neh hteit tu ci gui. K’phyon ca Bawi cuh hto k’shäm gui noh Bawi cuh ma pi k’bäi neh hnguh ci gui. Hti theing ca ami m’lung gui cuh ma neh gän ap ci gui.
Bawi-ah ng’tüi nak cuh Christmas-ah kia ci. Tum k’khawng ng’äi ng’lam neh mi yei tu ci. Cun-ah ng’äi gui cuh ng’hlän pi ca kum (100) hlok-ung ami guk te gui-ah kia ci.
