Zechari nawh A htá k’cä ci.

A k’hmó-ah pá Zechari cuh Muh-Htí awn bé neh  Ce m’gàwng awn a ng’cä lo cuh, “Israel pa-khúi-ah Khãn-pùghí cuh, a kia ah bä hlä, 69 A phàn-ah k’chàng, David-ah im-ung, mi phiónnák vai-ah k’chü m’cäi ci.  Cáü púi om man ci gùi-ah, ce ng’sä gùi-ah m’gàwng-awn, a  piéin bä bä-ah kia ci. Cun-ah a piéin man cuh mihmi cuh  mi gà gùi ung-kah ni, na ú gùi ci gùi-akut-ung-kah ni, na k’phión gùi khai.  A i-ah kia hleih ci ung mi Pùghí Pá gùi àm a k’chü-hngà gùi a m’dáng vai-ah phäh-ah lah, a piéin te cuh süm nák bà vai-ah phäh-ah kia ci. Mi Pá Abraham àm, a ng’phiùn te cuh mih-mí àm na pe gùi khai. Cun-ah a na péit gùi vai cuh, mi gà  gùi ung-kah, mi phiòn u neh kä kiü-kiawk-èin neh           Ghin zah púm-ung, Khãnpùghí a mà-ah, htí-théing neh ni neh ani mi m’tam khai.  Nang a k’hmóhtá, nang cuh a k’hlüng pí k’bäih-ah ce ng’sä ci neh ning chü khai gùi. A i-ah kia hleih ci ung Báwi a mà-ah hteit neh ani-ah lam cuh, na piàng khai.  A k’chàng gùi-ah kat,  k’phión gùi neh phiónnák-ah màwng a hmat hlak gùi vai-ah phäh-ah kia ci.  Cun-ah bä k’hma ci-ah k’chü k’hngànák-ah phäh-ah, Khãn-mòpí a kah, lut lo ci nawh na teng gùi hleih,  a k’hmüp lah Sihnák-ah ’kã-ah, ngoh ci gùi ni-ah ’khãn ah, a ’khãng ng’dáng lo neh mihmí àm, dimkiäpnák vai-ah lam na m’dáng gùi ci.”