Papa Shangpughang ah ng’thu

Papa Shangpughang Leo no m’lung m’yo m’nem nak lah lang ciah om nak cu yumtu ng’bum ah Style ah kya lo ci ci-ne pyein ci. Tu k’bäih Christmas poi ung  Boi Yesu ah ng’tüi om lo nak no m’lung m’yo m’nem nak lah a lang hta düit ah ghün om nak gui ng’thei ng’thang neh a cun cu yumtu ng’bum ah style ah a k’shing vai ah om k’ih vai ci ne Papa Shangpughang leo no na chüthäm gui ci.

Na mi im ah k’poih ghüt ciah na mi m’hngi ah k’chang gui am ka m’hngi nak na m’dang tu pe ne  ghü ng’vai lo ci gui lah goi pyam ci gui ka vai ka k’taigü peit gui ci ci-cu na m’thein tu pe vä. Nami ghünlu a k’hngüp täi Khanpughi m’tam khah ne om vä. Mi mi gui ah a k’hngüp täi mi biloh hngün thoh gui a van Khanpughi ah bi loh nak ung a van ng’phlan khai ah kya ci. Hlei ei k’ko ung ng’yän ciah nàyüt Boi no a u phih ng’mü van am a ni bä nak a be ah hlo ah a ni ah hngiphngäi nak lah a m’lung a m’yo m’nem nak a van ung yat yop ciah kya ci. Mät ah bi loh nak ung a k’ni pi ah kya khai ah gänap ne bi loh awn Khanpughi taimah nak cu om ne ng’dang ciah kya ci.