Alexandria Mânggo ung ka Bä ciah Nemesisus ah ghünlu a mòng
December k’cha 19 hngüp ung bi ah Nemesisus ng’ming na ciah bä ciah k’chang cu k’hngih om ciah kya ci. Alexandria mânggo ung ka Bä ciah Nemesisus cu 3rd-century Eijaret Shangpughang Trajanus Decius a mâng yah ung Egypt kho ah Christian k’chang gui a mi kalu nak gui yah kya hleih palik ng’vai gui no Nemesisus lah a hei k’chang k’hngih cu m’guk k’ei gui ci ne k’puk u ne a mi pha gui ah kya ci. Nemesisus no a ni am m’guk k’ei ci ne a mi puk cu kä kya ci ci-ne m’dang hnging chü-ta, a ni cu Christian k’chang tumat ah a kya ah phäh ah kum awn thong ung kyum ne ng’loh a m’tung vai a mi ci ah kya ci. Cun tu pang ah phih Nemesisus no a cun a mi pyein cu kä ng’htim ein ne a ni cu a k’cang ah Christian k’chang tumat ah kya ci cu m’dang ciah kya ci. A cun ah kya hleih Roma k’chang gui no a kya ah m’ghuih ne ta a shi ah chüt hleih a mi ci vai ah k’chü chah ci gui. Christu kum 250 ung a ni cu Boi Yesu a mi ngong man ah hlo ah m’guk ei goi k’hngih ah ng’lak ung tha ne a k’shüng ah mei awn a mi m’chih gui ah kya ci.
A ni ah khäng htek ciah m’lung no m’kot k’äih ci Ammon, Zeno, Ptolemy, Ingenuus lah a hei k’chang gui phih cang lam ung a mi hngun pe khai gui ah k’ngaphlang gui ciah kya ci. Nemesisus ah poi k’hngüp cu December k’cha 19 ung yumtu ng’bum no a bi ba hti ah kya ci. Emisa mânggo ung ka Nemesisus cu 4th century ung Christian Taigü Boi lah ng’ngahtüh hnguh hmat nak ung a ming thang ciah k’chang tumat ah kya ci.
