Mindat k’taigü Mang Augustine Shing Bawk ah hteit neh a hto ng’nawng gui teng gui ci.

Mindat K’taigü Mang kho ung k’taigü Mang Augustine cuh avan ung hteit neh a Hto gui teng nak cuh bi htei ca kya ci. Cun ah a hteit nak gui ung December k’cha a gha-lei-k’thum nak hngi m’khin a k’phli nak ung Shing Bawk Bawiphaya om nak a gok ci ah kya ci. A cun ung yumtubum gui noh k’taigü Mang lah m’gu tu ci gui avan cuh do chan ci gui ah kya ci. A cun ung Bawiphaya Näng Shui noh läk neh RVA bi ci ah Saya Kyüi Gei ni noh läk tu ci gui. Cun a ami do nak ung ng’äi neh m’tam neh leksawng peit nak cuh bi ci gui. Adventu a k’thum nak kyün k’hngüp ung k’taigü Mang Augustine noh Missa khong mang neh gänap pe gui ci. A cun ung Adventu among lah ng’pyan tham vai among gui cuh yumtubum on m’thei m’cäi gui ci. A cun a ng’pyi lo ung k’hnüp ei ei neh tah Hleihk’cham ah hteit neh yumtubum gui teng gui ci.