Htá k’pá k’hngih-awn m’täng ci.

Nangmí nawh a i-ah nami ng’ngài ci ang; k’chàng tumat ung htá k’pá k’hngih om hleih a ng’vái tu bà-ah hteit neh “Ka htá aw tuh-ngói ca-pit-lomà-ah hteit neh bi na bi vai,” ci ci. Ani nawh “kä ka hteit khai,” ci láng neh phih a k’hngú-ah ng’zu bà neh hteit ci.  A htá tumat-ah hteit bà neh a cun-a hlo bä-ah piéin bà hleih ani nawh “Pá aw ka hteit khai,” ci nehtah kä hteit neh om ci.Cun goi ung-kah a u nawh a Pá-ah ng’zák hlü bi ci ang?” ci hleih ngamí nawh, “A k’tak’hngà,” ci neh piéin bà ci gùi. Jesu nawh phih, “Nangmí àm a k’càng-ah ka piéin cuh, k’phlám k’lók gùi lah plet èi gùi cuh, nangmí-a tah mà tu bà neh Khãnpùghí-ah khàw-ah gok lo khai gùi.  A i-ah kia hleih ci ung Johan cuh, ni tu k’càng neh nangmí-ah lo hleih phih nangmí nawh a ni cuh, kä nami zùm ci. Ngùi k’phlam k’lók gùi lah plet èi gùi nawh zùm ci gùi. A cun-ah hnguh gèng gèng neh phih, nami ng’zu bà vai lah nami zùm vai-ah nami dám ci.